أسئلة عن التقسيمات
يعني إيه تقسيمة عطر، والعطور أصلية ولا لأ، والأحجام والأسعار، والدفع والتوصيل في مصر.
يعني إيه تقسيمة عطر؟
التقسيمة هي نفس العطر من الزجاجة الأصلية، متعبّي في زجاجة أصغر. مش بنضيف ولا بنخفّف أي حاجة: ٦ مل من العطر هي نفس العطر بالظبط، بكمية تخلّصها بدل ما تدفع تمن زجاجة كاملة وانت لسه مش متأكد منها.
العطور أصلية؟
أيوه. بنشتري الزجاجة كاملة، وبنقسّم من زجاجات إحنا مالكينها وفاتحينها بنفسنا. أي تقسيمة نقدر نقولك جات من أنهي زجاجة.
فيه أنهي أحجام وبكام؟
عيّنات حوالي ٢ مل للتجربة، وتقسيمات ٤ و٦ و١٠ مل للاستعمال العادي. السعر بيفرق حسب العطر — الديزاينر أرخص من النيتش بكتير — وكل الأسعار هنا بالجنيه المصري.
بدفع إزاي؟
بتحويل إنستاباي. بتطلب، وبياخد رقم طلب وتفاصيل التحويل، وبنأكد الطلب أول ما التحويل يوصل. مبنعبّيش أي حاجة قبل كده.
التوصيل بياخد قد إيه؟
الشحن مع J&T، غالباً من يومين لأربعة لأي محافظة في مصر. سعر الشحن بيختلف حسب المحافظة وبيتحسب في صفحة إتمام الطلب.
التقسيمة بتفضل معايا قد إيه؟
لو قافلها كويس وبعيد عن الحر والشمس، بتفضل زي الزجاجة اللي جات منها بالظبط. البخاخة هي أول حاجة بتتعب، فخليها واقفة.